موقع و منتديات الكوفة

منتدى ثقافي متنوع
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 زوجة تعاتب زوجها بعبارات العصر الحديث

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة اهل البيت
كوفي نابغة
كوفي نابغة


انثى
عدد الرسائل : 2067
البلد او المدينة : الكوفة العلوية المقدسة
تاريخ التسجيل : 27/05/2007

مُساهمةموضوع: زوجة تعاتب زوجها بعبارات العصر الحديث   الجمعة أغسطس 03, 2012 9:28 pm

زوجه تعاتب زوجها في قصيده مستخدمه مصطلحات وعبارات العصر الحديث :

بعد شتريد اسويلك

اصيرن شمعة وضويلك

بعد شتريد اسويلك

ابوك بشوش* واشويلك

نسيت شچنت اطبخلك وشچنت آنة احشيلك
آنة اللي چنت البخلك ومن كل الالوان اخليلك



وبالصالون اذب آلاف حتى بتسريحة حلوة اجيلك



اثاري الطبخ واللبخ ميفيد
شسويلك بعد يمعود دخيلك
ابن الاوادم نسيت شچنت اسويلك
من جنت تعطش وينكطع
بوري الماي اگل لعيوني تبچيلك


واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت


ألم فلوس الكارت واعبيلك
ومن چنت تزعل علي
جيش مشاية اوديلك
نسيت شجنت اسويلك
من اجيتني بطرگ دكان
تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك


وحتى افتحلك محل بي خير
ابيع بذهبي وابنيلك
وما كفت فلوس الذهب رحت
تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات


صرت آني وجهالي كلشي مانعنيلك

ومن اطلع اشتري خضورات تغافلني وتروح تلعب بذيلك


رصيدك خلص من المسجات يوم
سمسم يوم نمنم تقشمرهن بمراسيلك
وبكل ليلة تجي سكران
وريحة نسائية تعط من مناديلك


واليوم....اجيت إلي ندمان تطلب
سماحي وتتوسل اجيلك

تقشمرني بكلمة احبچ
من حبتك حية بعد ما يعبر علي فيلك*


شحسبالك احنة بالمكسيك؟
لو انتة بمدبلج وتتفنن بتمثيلك


ما ارجع الك لو حتى تبني قصور
روح بعيد انتة وكفشتك* وتواسيلك


تگلي بحقچ چنت آنه غلطان
من گبر اللي لفك ووجعة التشيلك


وانشالله التاج محل رحلتي تكون
وانت لأبو غريب يصير ترحيلك


9وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك


اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك


مفردات الكلمات
_________


*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة وقد رجع الناس بستعمالها بسبب انقطاع الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب

_________________
مساعدة المدير العام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خادم العباس
كوفي جديد
كوفي جديد


عدد الرسائل : 1
العمر : 47
البلد او المدينة : اربيل
تاريخ التسجيل : 20/09/2012

مُساهمةموضوع: رد: زوجة تعاتب زوجها بعبارات العصر الحديث   الخميس سبتمبر 20, 2012 3:03 pm


السلام عليكم
جميلة جدا وتسلمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة اهل البيت
كوفي نابغة
كوفي نابغة


انثى
عدد الرسائل : 2067
البلد او المدينة : الكوفة العلوية المقدسة
تاريخ التسجيل : 27/05/2007

مُساهمةموضوع: رد: زوجة تعاتب زوجها بعبارات العصر الحديث   الجمعة سبتمبر 28, 2012 2:46 am

الاجمل مرورك اخي اهلا وسهلا بيك منور

_________________
مساعدة المدير العام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زوجة تعاتب زوجها بعبارات العصر الحديث
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع و منتديات الكوفة  :: القسم الترفيهي :: منتدى الشعر التحشيشي-
انتقل الى: