موقع و منتديات الكوفة

منتدى ثقافي متنوع
 
الرئيسيةس .و .جبحـثالتسجيلقائمة الاعضاءالمجموعاتدخول
شاطر | 
 

 ابوذيات عتاب للاحبة جميعا في منتدانا الجميل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق العراق
كوفي جديد
كوفي جديد


عدد الرسائل: 40
العمر: 48
البلد او المدينة: النجف الاشرف
تاريخ التسجيل: 28/03/2009

مُساهمةموضوع: ابوذيات عتاب للاحبة جميعا في منتدانا الجميل   الأحد مايو 10, 2009 10:41 pm

عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه



هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه



الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه


رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه


هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه


احد سجين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج تصعب عليه


لتهم بالعمر خلصان وحده
وانه ضعني سرا بالهوى وحده
حلت جنها بعيونك غير وحده
وكمت ما تسال ولا تمر بيه


غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه


محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه


عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه



الا تظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه

شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه


عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه


صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه


امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه


صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه


على ربعي فلا كضيت حايه
عدل ما دورت فد يوم حايه
لجن وسفه بعضهم صار حيه
ناعم ملمسه وبيه الاذيه




امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه







عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه



الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه


الگلب ضل بس اهو وحـــده .. ورباه
يتيم وما لگه واحــــــــــــــد .. ورباه
منو المثلي أخ جرحــــــــــه .. ورباه
وكبرنه اعله القهر احنه سويه



الوادم تنظر لجسمــــــي .. يروحاي
وأنه اموتاتني سكتــــــه .. يروحاي
ليش وبالعجل طحتـــــــي .. يروحاي
خلص صبرچ يروحي وخنتي بيه


سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه


سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية





سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه


قصيدة انتي وحرت اقرا صدرها
وبحر الشعر ما ضمها صدرها
اليسا ادوخ لو شافت صدرها
واضنها تكول هم كسرت عليه


افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه

كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه

اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه

اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه


اذوبن لو شفت مرة خيالج
اريد بلا شعور ادخل خيالج
انتي مهره وانه الجايج خيالج
وعلى درب العشك تمشين بيه


تلفاتج يدنيه من تلفني
وابيض ثوب روحي من تلفني
فرني شتلكه بيه من تلفني
غير الحزن ما ظل شي بديه


حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه



هام الكلب بيها من شفتها
وعرك خدي على خدها من شفتها
حرت اشلون اهد شفتي من شفتها
مثل كضت قفل وانلحمت عليه


حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه


روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه


اسعد شخص بالدنيا من شفتها
وردت ما ترمش عيوني من شفتها
ردت اروي شفني من شفتها
حللت خدها وحرمت شفتها عليه



اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلم الحرية
كوفي جديد
كوفي جديد


انثى
عدد الرسائل: 45
العمر: 20
البلد او المدينة: الحلة / العراق
الوظيفة: الدراسة
تاريخ التسجيل: 05/05/2009

مُساهمةموضوع: رد: ابوذيات عتاب للاحبة جميعا في منتدانا الجميل   الإثنين مايو 11, 2009 1:33 pm

جميل ما كتبت .. شكراً لك ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق العراق
كوفي جديد
كوفي جديد


عدد الرسائل: 40
العمر: 48
البلد او المدينة: النجف الاشرف
تاريخ التسجيل: 28/03/2009

مُساهمةموضوع: رد: ابوذيات عتاب للاحبة جميعا في منتدانا الجميل   الثلاثاء مايو 12, 2009 10:41 pm

مشـــــــــــــــــــــــــــــــــــــــكوره جدا اختي العزيزه

قلــــــــــــــــــــــــــلم الحريه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة اهل البيت
كوفي نابغة
كوفي نابغة


انثى
عدد الرسائل: 2067
البلد او المدينة: الكوفة العلوية المقدسة
تاريخ التسجيل: 27/05/2007

مُساهمةموضوع: رد: ابوذيات عتاب للاحبة جميعا في منتدانا الجميل   الجمعة مايو 15, 2009 6:47 pm

تسلم اخويه ابوذيات كلش حلوه

شكرا جزيلا

_________________
مساعدة المدير العام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

ابوذيات عتاب للاحبة جميعا في منتدانا الجميل

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» نغمه همسه عتاب التى يضعها الملايين

صلاحيات هذا المنتدى:لاتستطيع الرد على المواضيع في هذا المنتدى
موقع و منتديات الكوفة  ::  :: -