موقع و منتديات الكوفة

منتدى ثقافي متنوع
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 مل مني القلم ومن القلم مليت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غدر الزمان
كوفي نابغة
كوفي نابغة


ذكر
عدد الرسائل : 720
العمر : 33
البلد او المدينة : Deutschland
الوظيفة : Student
تاريخ التسجيل : 26/01/2008

مُساهمةموضوع: مل مني القلم ومن القلم مليت   الأحد مايو 18, 2008 3:21 pm



مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره

ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره



والانبار شالت سيف عالخوان
لو ليه الحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره



نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذ الاجــــــره

معصوبه العـــــيون مچتفه الايدين
وانواع الرصاص يچوب بـــــصدره

لا اهله اجوي وچــــــــفّنوا بچـــفان
مجــــهوله الـــهويه ومن درة بأمره

اذا امّه الــــحنونه الصايمه برمضان
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره



لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره

وما شافت ابنهه وجاهه ملك الموت
تعرف شنهي يعني تموت بالحسره ؟؟

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره



وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه

بعد تفجير سامرّه العراقيين
مثل فلم الرعب ودمايته الحمره



مو فتنه صحيح الصايره ابّغداد
سونامي الفتن بغداد منتشره

قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه

اتحده بكر واتحده ابو الخطاب
افن واحد البيهُم يوصل الثوره

واتحده على واتحده هم حسين
اذا فلوجه طبهه ومنكسر ضهره

صـــــــــفر كل النتايج للعراقيين
بس بالفتنه جابوا عشره من عشره



هذا يگول سني ناصبي اغتالوه
وهذا يگول شيعي رافضي نكفره

ضلّوا بهالسوالف يا خزي ويا عار
واسرائيل علگت نارهه الــــــكبره

يول وين الــــــــشرف گدامكم بغداد
شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه

مرحوم الـــــــعراق استشهد من سنين
يا وسفه صفـــت أشلائه مـــــتنثره



متنـــثره بمزابل يمـــهه كوم چلاب
اكلت من لــــــحومه وما درت سرّه

صــــير وياي بس هالمره اترجاك
عيب من الــــــــــــعراق اليوم نتبرّه

صعبه بمزبله جثة الــــــــعراق تصير
خلي نشــــــــــيله منهه وندفنه بگبره



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://impossiblelove83.blogspot.com/
بنت الهدى
الادارة
الادارة


انثى
عدد الرسائل : 2423
العمر : 48
البلد او المدينة : البصره
المدينة : قضاء ابي الخصيب
الوظيفة : مدرسه
تاريخ التسجيل : 17/02/2008

مُساهمةموضوع: رد: مل مني القلم ومن القلم مليت   الأحد مايو 18, 2008 6:44 pm

عاشت ايدك خويه غدرالزمان على هل الابيات الرائعه

والله يصلح الحال ويرجع الامن والامان للعراق بحق محمد وآل محمد

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصيدلانيه
كوفي نابغة
كوفي نابغة


انثى
عدد الرسائل : 1966
العمر : 33
البلد او المدينة : العراق .
المدينة : النجف الاشرف .
الوظيفة : صيدلانيه
تاريخ التسجيل : 19/10/2007

مُساهمةموضوع: رد: مل مني القلم ومن القلم مليت   الخميس مايو 22, 2008 4:22 pm

اوي و الله القصيده خلت عيوني دمعو حزن جدا وباكي
بس للاسف هذا واقع الحال
الف شكر عالقيده
عاشت الايادي

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قيصر العرب
كوفي نابغة
كوفي نابغة


ذكر
عدد الرسائل : 2557
العمر : 32
البلد او المدينة : العراق
المدينة : النجف الاشرف
الوظيفة : سري جدا
تاريخ التسجيل : 20/02/2008

مُساهمةموضوع: رد: مل مني القلم ومن القلم مليت   الجمعة يونيو 06, 2008 8:08 pm

مع كل الاسف هذا واقع الحال
منكول غير انا لله وانا اليه راجعون
مشكوووووووووووور اخويه الكريم
دمت مبدعا

_________________
قائد قوات علج بوبي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مل مني القلم ومن القلم مليت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع و منتديات الكوفة  :: القسم الادبي والثقافي :: منتدى الشعر الشعبي العراقي-
انتقل الى: