إذا شعرت بضيق

اخوان شو محد كال شكد الكروه ؟؟؟؟؟؟؟؟؟؟؟؟؟؟

_________________
http://www.elaana.com/vb/t40984

هههههههههههههههههههههههههههه
تيمووو مادام اجيت اني مارووووح هم انت

كملت السفرة بس بقى ابن الكوفه اني اكللكم خلي نلمله كروته ونعزمة ويانا

استاذ فارمسي طبعا كلش الطيبة الدولمة مالتك
بس شنوو تعذرني مسوووية ريجيم هههههههههههه

ههههههههههه

يمعودين معقولة متوقفة الكية عليه دكولو من البداية احنة منعرف انسوق وفضوهة هههههههههههههههههه
اخوان صراحة اني ما ارتاح للكية للاسباب التالية :

تخوف ومو امينة وانما نعمة الله .
منكدر نصعد بيهة الجبال (عن تجربة حقيقية) لان مو دفع رباعي وتشلع كلوبنة (مال طريق كربلة يعني) او اذا نريد نصعد جبل ننزل وندفعهة .
عامل الجودة فيها غير محبب الى النفس البشرية لما تحمله من اعتداء صارخ على حرية الصحافة وحقوق الانسان الذي نص عليه القرار 2594 من البند السابع لمجلس الامن الدولي (الميفتهم خلي يسكت ولا يسالني لان اني همينة ما مفتهم شي ).
الغطاء الواقي لها لا يقينا من حرارة الشمس اللاهبة ولا من برودة الماء الملتهبة فيما لو سقطنا من القمم العالية الى المنحدرات السحيقة وطلعنة كلشي مابينة ان شاء الله والسبب لا يعلمه الا الله (لتخافون السبب مسوي حرز).
اكو شغلة مهمة الكل غفل عنهة ذاك الجبل اللي راح انروحله هل يحتوي على بركان ام لا وهل ذالك البركان على وشك الانفجار ام لا ؟ فاذا كان لا يحتوي على بركان فلا ضرورة الى الذهاب الى هناك واذا كان حاويا على بركان ووخصوصا على وشك الانفجار يعني (امورنا لوز خلونا نتوكل على الله)
اخوان صدك تحجون انتو تردون تفشلونة ويا العالم الحلوة هناك والناس الفيكة رايحين احنا الذاك المكان ماخذين كية كبال العالم هناك بالله شيكولون علينة احنة العراقيين الحلوين اكيد راح نصير معجزة ونصير حدث الصحافة لان راح يعتبرونة مخترقين الزمن وجايين من الماضي عبر سيارتنا الزمنية العجيبة الكياااااااااا .<li>ملخص الموضوع اخوان اذا واحد يدفع كروتي سجلو اسمي والسلام .

اعضاء وعضوات منتدياتنا اني جدا اشكر روحكم المرحة والفرهة وتواصلكم الدائم والمتميز وصدكوني اني ما منقطع عنكم ابد بس يعلم الله الوقت ما سمحلي بالايام اللي راحت ان اتواصل وياكم مرورا بايام زيارة الاربعين حتى يوم وفاة النبي صلى الله عليه واله .

اسال الله العلي القدير ان يوفقكم جميعا وان يسدد خطا ايديكم الى الجيب الصحيح الحاوي على نقود من جيوبكم وان يجعلكم عين الكرم والجود لا في دفعكم الكروة لي فقط وانما يتعداها الى دفع مصاريف الرحلة جميعها .
واسال الله العلي القدير ان يجعل من فارمسي طباخا ماهرا وان لا يفشل نفسه مرة اخرى امام الاعضاء (هسة هم انعم الله منه طلعت منه فد شي اسود على الرغم من انه هاي الاكلة الوحيدة اللي اني اكدر اسويهة بشكل مبدع يعني الى درجة متعرف الاكل من الطاوة عبالك اكل مجلب بخشبة وطاير بالهوة يعني فد شي معجزة والله طبعا بالاضافة الى الاكلة الشهيرة اللي اسويهة اني ومشتهر بيهة الا وهي الماي الفاير ) استاذ فارمسي لتنسى تجيب وياك حب بلاسيل وانتي سبازمين والحر تكفيه الاشارة ههههههههه .

واسال الله العلي القدير ان يجعل من والد دالي خطاطا ماهرا وشجاعا لا يخشى الموت والتهديدات (لان الظاهر خطية كتب الموافقة وايده ترجف يعني معناتهة كتب الموافقة بقوة التهديد والوعيد والسلاح من قبل دالي هلي دتشوفون الخط متعرج مال واحد خايف خطية يعني يا اني يا انت يا بابا ).
هههههههه عجبتني الموافقة كلش وضحكت عليهة دالي عاشت ايدج وراح نمشيها تره لان احنة منهتم بظروف الجريمة اللي هي اصلا ما حصلت ولله الحمد ...

واسال الله ان يلهي غدر الزمان عنا لئلا يحدثنا عن النظرية النسبية بحلقاتها العشرة على طول طريقنا الى الجبل يمكن راح ايسويهة علينة مية حلقة هههههه (مع احترامي لابو شهاب الوردة المبدع ).

واسال الله ان يوفق جميع من يركب معنا في الكية وان يلهم الصير والارادة والعزيمة منهم طباخات الكية الاخت قطرات الندى طباخة الكية الماهرة والاخت ام احمد نور الهداية المحترمة طباخة المقبلات والحلويات والاخت تاره وعاشقة اهل البيت والاخوين الجائعين جدا كعبولا الكية الانصاري وعلاء الانصاري(بالنسبة للمهندس النجفي كاعد بالاحتياط اذا صار بالجماعة مغص) .( يعمي جواعة لو مو جواعة شنو السالفة شباب فشلة مو نسوان ويانة (هو جذب على مود متنوكل حصتنة احنة الولد ) اني من هسة متبرع بحصتي لان اعرف كلشي مراح اقبض من وراهم فخلي اصير كريم مقدما ) .
اما تيمووو فنصيحتي للجميع انه يطبكون شريط براسيتول كل خمس دقايق اذا مشى ويانة وخلي الخصلكم المسئلة . مو يكولون متحس بالنعمة اذا متشوف ضدهة فاللي يريد يعرف قيمة الصحة لازم يشوف المرض واللي يريد يعرف ويحس بقيمة المنطق خلي يسمع لكلام تيموو .
واني اسف على اطالة عليكم وارجو المعذرة منكم جميعا لان الجميع حجيت عليه وضايج ومن زمان ما متواصل ومسولف وياكم وتحياتي القلبية لجميع اعضائنا المبدعين (خلي انفخهم شوية علمود الله يهديهم ويداروني بالسفرة بالمناسبة تره سني مو مكسور )

_________________

انقر على قول الامام علي لترى خارطة مسجد الكوفة والمقامات الاثرية

أهلا بيك مديرنا العزيز أدري بيك مشغول ولذلك مكانك بالصدر مالت الكيه محجوز (علمود تدفع الكروه)

وطبعاً أحنه منروح من دونك وشغلت الطبخ لاتدوخ نفسك بيهه تره الجماعه ميعرفوني خبره تزيد على 4 سنوات ومستعد أطبخلك ما لذ وطاب بس أطلب

..
شغلة النسبيه والله بصراحة تعرف ليش لحد الان مستمر لأن ببساطة أني كلت بالبدايه راح أكمل وبعد ما أكدر لأن قطعت عهد على نفسي أكمل للنهاية بس ها لتخاف ما أسولف على النسبيه بالطريق ولا أجيب طاريهه ومنطيك الامان ههههههههههه
فارمسي قائمة الاسماء يمك مو صح ؟ طيب ضيف مديرنا العزيز بالصدر و وصي أبو الكيه خلي يحضر فد 4 جليكانات بانزين من هسه كلشي يصير بالطريق ماكو شي مضمون .
أما بالنسبه للبقيه يالله شباب قبطت الكيه حضروا نفسكم

..

_________________

هيا هيا قبطت الكيه

ابن الكوفه اششششششششش لاتفضحنا داسكت هسة يحسووون بيها مزورة يمعوود

غدر الزمان قبطنا اطلع بس لاتطلع ماتعرف تسووق غير بابا ويعرفه بان الكووفه يكلب الكية عليكم كلب هههههههههههه