موقع و منتديات الكوفة

منتدى ثقافي متنوع
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 فوائد الوقوف على البانزين واهم ماتحتاجه لكي تقف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أكرم النجفي
كوفي نابغة
كوفي نابغة


ذكر
عدد الرسائل : 1247
العمر : 28
البلد او المدينة : العراق
المدينة : النجف
تاريخ التسجيل : 20/10/2007

مُساهمةموضوع: فوائد الوقوف على البانزين واهم ماتحتاجه لكي تقف   الخميس أكتوبر 25, 2007 8:46 pm

عركة Evil or Very Mad 11111فوائد الوكفه في سره البانزين

]رغم ان الكل يشكون ويبجون من فترات الوكفه الطويله امام محطات البنزين بس هوايه منهم مفكروا بفوائد هاي الوكفه خصوصا وانه همه يستفيدون منهه بله ميدرون ومن هاي الفوائد:


]اولا] هي فرصه سانحه وسهله لتفليس حب الغباء بدون شكاوى من الاهل او الجيران وهمه يرزلوك (ليش تكرز حب وتوصخ كدام بيتنه؟؟)



ثانياحب الغباء يجبن المخ ويعتبر بديل زين للكبسله حيث يبطيء شغل المخ بشكل ملحوظ مما يسبب البلاهه والثول وهذا مفيد جدا لكل العجوزيه!!


ثالثا امن توكف بالسره فانت تكضي النهار كله علمود تحصل على عشرين لتره بعدين ترجع قبل حظر التجوال بدقايق فانت رح تخلص من تكليفات الاهل (نظف المبرده ,اغسل الشارع ,جيب مسواك ,سوي هاي جيب هاي ودي هاي ,جيب الجهال من المدرسه ...........الخ من الاشياء اللي تكره الطلعه علمودهه) وطبعا متكدر تطلع من سره البانزين حته لو خابروك


رابعا هي فرصه جبيره للتفرج على افلام اكشن حقيقيه وحيه وبدون مونتاج (بس دير بالك لتصير جزء منهه) ودائما حاول توكف يم حفره لو باب علمود اذا صار شي تختل


خامساهي فرصه لابداء العقل والاخلاق وحسن السجيه عن طريق فك العركات بين بعض السواق (طبعا رح تحصل جم عجل او بوكس جلاق دفره بس ميخالف )والمثل يكولسوي زين وذب بالشط) وارجع حط ثلج عالورمات هاي اذا اكو ثلج!!!!


سادسا اكيد انت اشقر وعيونك عسليه وتريد لونك يصير برونزي مثل عيونك من توكف بالشمس


سابعا احتمال تتعرف على اصدقاء جدد وتسولفلهم همومك ويسولفولك همومهم (بس مو تكوم تبجي ادري الهموم ماليه صدرك) دير بالك مو تصير غشيم لان خاف يطلعون علاسه وتروح (باي باي) ثاني يوم اذا مو اقرب وتروح فرحة الفوز بجلكان بانزين


ثامنا هاي النقطه شويه رح نبالغ بيهه بس هم احتمال تتعلم بعض الاعمال اليدويه مثل صنع المهفات اليدويه وتشتغل بشركه صناعات متخصصه بيهه تعمل تحت
شعارات (خلي سبلت وباوع عليه تشبع قهر )وشعار(لعيون العراق هفي بيدك وهفي بيدك محد يفيدك )


تاسعا هاي الوكفه رح تخلص الواكف بالسره من الشغل لانها حجه كافيه للتعذر منه (شلون ينامون الجهال بله بنكه لو مبرده ) وطبعا انت (خايف) عليهم لينزعجون ويبجون بالليل من الحر.او من البرد بالشته


بعض الانتظار صح مزعج بس بيه هوايه فوائد
احمد الله انك لسه عايش تكدر تملي لاهلك موائد
البلد هيونطه ومو غريبه ا ذا كان كاكه جلال قائد
عراقي انته وابن خير كالاسد صامد وبالجحيم كاعد


tongue توافق

222222222222 اما الان فاليكم اهم ما يحتاجه الواكف على البانزين قبل ما يروح


1- 12 جيس حب ابو ال 500 (احمر مهبط للذكاء) لان انتة بالسرة ما تحتاج ذكاء و انما تحتاج صبر

2- 17 لفة فلافل بدون عمبة لان العمبة ترفع درجة السيارة 11 درجة مئوية ( كما جاء في تقرير المعهد العالي النووي لأنتاج قياطين القبغلي)

3-12 سطل مي (2 تشربهم و الباقي تغسل بي) و للاحتياط يرجى وضع الليفة في المكان المخصص لها(جوة الجكمجة)مع صابونة ديلوكس مستعملة حتى تاخذلك فد قاط قاطين نظافة و انتة بالسرة مع شورت نظيف و فانيلة توضع في الخزانة (صندوك الورة فوك السبير)

4-12 رزمة جرايد( الزمان الصباح الشاهد المستقل) مع انتقاء المجلات ذات الكلمات المتقاطعة مثلا كلمة من 4 احرف بمعنى نصاب شنووووو؟ بحار و ابقة حل الى ان يجيك السرة

5- لا اتعيط ولا اتصيح لمدة يومين لان راح تحتاج العياط و الصياح بالسرة( لمن واحد يطبك و يحاول يضرب السرة)


6- املي الشحن مال موبايلك و سوي فووول حتة اتكضي الوكت اللي يبقة بالمسجات و الفايلات اللي عندك



7- 8 قواطي بيبسي و فلتر مال تريوعات لان راح تكلب معمل مال غاز وراها (ملاحظة ماكو شي اسمة فلتر مال تريوعة بس احتياطا لا تتثاوب اثناء التريوعة حلكك بعد ما ينسد)

8- قنينة اوكسجين خاف يا ستار تتخربط يتلحكون عليك تنحط عال كشن الورة

9- هوياتك و بطاقة السكن و القصة التموينية دنيا هاي خاف كلشي يصير
10- مهفة حجم 2 طن تربط يدويا و يتم تحريكها بواسطة الساعد (ايدك يعني) مع قوة دفع 14 لفحة بالدقيقة

11- 3 تكات جكاير سومر ام التتن المعفن حتة تحرك و ترجع لي ورة مع باكيت شخاط علامة النقيب(3 نجمات) حتة اتنعثل براحتك)



Evil or Very Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة اهل البيت
كوفي نابغة
كوفي نابغة


انثى
عدد الرسائل : 2067
البلد او المدينة : الكوفة العلوية المقدسة
تاريخ التسجيل : 27/05/2007

مُساهمةموضوع: رد: فوائد الوقوف على البانزين واهم ماتحتاجه لكي تقف   الجمعة أكتوبر 26, 2007 4:47 am

هههههههههههههههههههههههههههههههههههههههههههههههه
زين رحمه من العزيز الجليل هم بيهه فائده

مشكوووووووووووووووووور اخي مشاركه روعه كلش حلوه

_________________
مساعدة المدير العام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فوائد الوقوف على البانزين واهم ماتحتاجه لكي تقف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع و منتديات الكوفة  :: القسم الترفيهي :: منتدى حشاشة الكوفة-
انتقل الى: