موقع و منتديات الكوفة

منتدى ثقافي متنوع
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 مسامعين ابابا نؤيل زاير العراق المسامع يدخل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رانــــيا
كوفي جديد
كوفي جديد


انثى
عدد الرسائل : 43
العمر : 27
البلد او المدينة : °˚◦ღ♡♥IrAq 4 EvEr♥♡ღ◦˚°
الوظيفة : طالبة هندسه
تاريخ التسجيل : 09/06/2007

مُساهمةموضوع: مسامعين ابابا نؤيل زاير العراق المسامع يدخل   الأحد يونيو 10, 2007 12:04 pm

مِثل ماتعرفون إنه (بابا نؤيل) رجّال حبّاب، ينطي هدايا للجَهال
وللفقراء.. المهم فد يوم (حجي نؤيل) ديباوع بخريطة العالم چان يشوف
العراق.. گال: إييييي.. هذولة خطيـّة خلي أساعدهم.. المهم.. نِگر سِلْف
للعربانة مالته وچان إطِّيِر الغِزلان مال (بابا نؤيل) وإجه بيها للعراق
وبغداد خصوصاً..


بقى تقريبا ثلاث ساعات يدوّر على بيت بي شجرة مال إكرسمس وماكو.. هناك
چان يخيّطها بِبريك قوي، حتى الغراض يلي بالعربانة وگعنْ واطّشرنْ...
وگام يصيح: لگيت بيت... گيــت.. نِزل بالسطح وبُقه يدوّر على فتحة مال
مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره
ويفوت منة؟؟.. مالگة.. لأن كلهة بيهة كتايب.


المهم.. فات من الفتحة مال المبردة وحطْ الهدايا يم الشجرة وطِلع.. أول
ما طِلع چان يسمع، صوت واحد يصيّح (حرامي!!!).. وعينكم ما إتشوف الاّ
النور.. إشتغلتْ الطلقاتْ والبيكيسياتْ وحتى قاذفات وهاونات.. لها على
هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف
شنو الفلم.. عباله صارت حرب.


والتمّت المونيكات والهمرات والحرس الوطني والشرطة... واحد يگول شفتة
لابس حزام ناسف!!.. واحد يگول العربانة مالته مفخخة. هناك چان يچيّت عليه
واحد، وكُمشه.. وسحله من لحيتة للمركز طبعا بعد ما شبع كتل بالطريق..
وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذوا
موبايلة وچانت بجيبة أربع أوراق ونص هم أخذوهِن.. تالـي طلع بالگوّة،
گالو: رجّال چبير.


رجع (بابا نويل) للبيت يلي نِزل بالسطح مالتة لگة العربانة ماكو.. سِئل
جاهل گله: شصار من العربانة؟؟... گله الجاهل: الغراض إلي بيهة إتحوسمتْ
كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟
هنّة چم حمار وعربانة مكسرة إجو أخذوهن الدوّارة أهل الطحين وراحوا.


ويدكهة الرجّال مشي من بغداد لبيتهم حتى فلوس كيا بجيبه ماكو وگال ويه
روحه: آني أجي لبغداد بعد!! المهم وهو بطريق الرجعة وما يعرف شيسوي طگت
يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟..
منو ماكِل باگلة زايد؟؟.. حقة ما يعرف شنو مفخخة.. وگوة فهموا شنو
مفخخة.


كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه..
وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابا
نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي
الغزلان والعربانة... طلعوا فالتين من بغداد وبالكوة چلّب بيهن وفلت..
المهم هوة عبالة إرتاح وگال: الحمد الله جتّي على هيچ وبس.. بعده ما
منَجِّم بالسِما، چان يجيه صاروخ (سِترِلّه) من هذا الحنَيّن ويضرب
العربانة وإشتغلت السبعة وخمسين علية ودوشكات... حرگوا الجو حرگ على
الرجال المسكين.. المهم هوة مدري شلون إنشمر فوگ غزالة من غزلانه وچلّب
بيها وفِلتْ وراح لبيتهم بالقُطب وقدّم استقالة من هاي الشغله..


وهسة هوة كلّش يكره الجهال وما يحب الهدايا وبس يباوع أفلام رعب واشترى
مسدسات ورشاشات ويصيح طول اليوم.... ويـن يــروح المطلـوب إلنـة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن الكوفة
المديــــر العـــــام

المديــــر العـــــام


ذكر
عدد الرسائل : 1327
العمر : 32
البلد او المدينة : العراق
المدينة : عجّل يا مهدي ال محمد
الوظيفة : ماكو تعيين
تاريخ التسجيل : 24/05/2007

مُساهمةموضوع: رد: مسامعين ابابا نؤيل زاير العراق المسامع يدخل   الإثنين يونيو 11, 2007 8:20 pm

*چان يجيه صاروخ (سِترِلّه) من هذا الحنَيّن ويضرب
العربانة وإشتغلت السبعة وخمسين علية ودوشكات... حرگوا الجو حرگ على
الرجال المسكين..

*وهسة هوة كلّش يكره الجهال وما يحب الهدايا وبس يباوع أفلام رعب واشترى
مسدسات ورشاشات ويصيح طول اليوم.... ويـن يــروح المطلـوب إلنـة


ههههههههه عاشت الايادي على هاي المشاركة الروعة ضحكت والله

_________________
انقر على قول الامام علي لترى خارطة مسجد الكوفة والمقامات الاثرية





انقر على قول الامام علي لترى خارطة مسجد الكوفة والمقامات الاثرية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kufa.iowoi.org
 
مسامعين ابابا نؤيل زاير العراق المسامع يدخل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع و منتديات الكوفة  :: القسم الترفيهي :: منتدى حشاشة الكوفة-
انتقل الى: